“Քրաուն Քեմիքալ” ընկերությունը հիմնադրվել է 1997 թվականին և այսօր հանդիսանում է քիմիական արտադրության առաջատարներից մեկը Հայաստանում:Քրաուն Քեմիքալ ընկերության կողմից նորամուծությունների ներդրումը, որակը և մատչելի գինը հանդիսանում են նոր շուկաների և հաճախորդների ձեռքբերման գրավականը:
Յուրաքանչյուր տարի ընկերությունն ավելացնում է իր տեսականին: Այսօր արդեն այն ներառում է վեց տասնյակի հասնող ապրանքներ, շինանյութ` վերանորոգման ու հարդարման աշխատանքների համար նախատեսված լատեքսային, ջրաէմուլսիոն, էմալե ներկեր, բազմատեսակ լաքեր, դիսպերսիաներ, ջրամեկուսիչ նյութեր, բետոնի հավելանյութեր:
Արտադրանքի որակի ապահովման բնագավառում ձեռք բերած նշանակալի արդյունքների և որակի կառավարման արդյունավետ մեթոդների ներդրման համար ընկերությունը 2001 թվականին արժանացել է Հայաստանի Հանրապետության կառավարության դիպլոմի:
Ընկերության կարևորագույն սկզբունքներն են` դինամիկ զարգացում, նոր աշխատատեղերի ստեղծում, աշխատանքային պայմանների մշտական բարելավում, մշտապես ավելացող տեսականի, բնակչության կարիքների բավարարում, կատարելագործվող դիզայն, որակի համապատասխանություն միջազգային չափանիշներին, թափանցիկ գործունեություն:
Մեր առաքելությունը
Մեր առաքելությունն է սպառողներին մատուցել կայուն և բարձր որակ, մրցունակ գների կիրառմամբ: Ձեռք բերել նոր գործընկերներ և մեր հաճախորդին պարգևել գնման լավագույն փորձը:
Մեր տեսլականը
Մեր տեսլականն Է՝ հիմնվելով տարիների փորձի և միևնույն ժամանակ օգտագործելով նորանոր տեխնոլոգիաներ, ստեղծել այնպիսի բարիք, որը հիմնովին կփոխի սպառողների կյանքը:
